श्रेणी : अर्थ

जनकपुर२६ साउन । मधेस प्रदेशका मालपोत कार्यालयहरूले आर्थिक वर्ष २०७८/७९ मा कुल ५ अर्ब ३७ करोड ९८ लाख रुपैयाँभन्दा बढी राजश्व संकलन गरेका छन्। प्रदेशका ८ जिल्लामा २१ वटा मालपोत कार्यालयमार्फत सेवा कर, रजिष्ट्रेशन दस्तुर, अतिरिक्त शुल्क, पूँजीगत लाभकर, विलम्ब शुल्क लगायत विभिन्न श्रोतबाट राजश्व उठाइएको हो।

भूमि सुधार तथा मालपोत कार्यालय पर्साले सबैभन्दा बढी ८१ करोड ४२ लाख रुपैयाँ राजश्व संकलन गरेको छ। त्यस्तै, सिमरा (बाराद्धारा) ६६ करोड, जनकपुरधाम (धनुषा) ६२ करोड, कलैया (बारा) ४२ करोड र राजविराज (सप्तरी) ३४ करोड रुपैयाँ राजश्व संकलन गरेको तथ्यांक छ।

सिरहा, सर्लाही, महोत्तरी र रौतहटका मालपोत कार्यालयहरूले पनि क्रमशः २५ करोड, २४ करोड, २३ करोड र १३ करोड रुपैयाँ राजश्व संकलन गरेका छन्।

राजश्व संकलनमा असार महिना सबैभन्दा बढी रहेको छ, जसमा ७० करोड रुपैयाँ उठाइएको छ भने कार्तिक महिनामा सबैभन्दा कम २८ करोड रुपैयाँ संकलन भएको छ।

यस्तै, मुख्यमन्त्री स्वच्छता अभियान कोषमा आर्थिक वर्षभरि ४४ करोड ६० लाख रुपैयाँभन्दा बढी संकलन गरिएको छ। असारमा यस कोषमा सबैभन्दा बढी ५ करोड ६२ लाख रुपैयाँ संकलन गरिएको छ।

मालपोत कार्यालयहरूले सेवा विस्तारसँगै प्रदेशभरिको राजश्व संकलनमा उल्लेखनीय वृद्धि ल्याएका छन्, ।