श्रेणी : प्रदेश
2.4kViews
1445
Shares
काठमाडौँ,२२ पुस । सोमबार सेयर बजार परिसूचक (नेप्से) ४९ अंकले बढेको छ । समग्रमा १.८९ प्रतिशतले बजार बढ्दा परिसूचक २६४०.६८ बिन्दुमा उक्लिएको हो ।
सेन्सेटिभ इन्डेक्स १.५१ प्रतिशतले बढेको छ ।
सोमबार कारोबार रकममा पनि वृद्धि भएको छ । सोमबार १ करोड ५४ लाख ६१ हजार कित्ता सेयर खरिदबिक्री हुँदा ६ अर्ब ३० करोड ५४ लाख रुपैयाँको कारोबार भएको छ ।
सोमबार कुल २२६ कम्पनीको मूल्य बढ्यो । यसमध्ये आत्मनिर्भर लघुवित्तको मूल्यमा सकारात्मक सर्किट लाग्यो । सुपर मादी जलविद्युतको मूल्य ९.७० प्रतिशतले बढ्यो ।
सोमबार १२ वटा कम्पनीको मात्रै मूल्य घटेको छ । ४ कम्पनीको मूल्य स्थिर रह्यो । सोमबार नेप्सका सबै उपसमूहको सूचक बढेको छ । जलविद्युत्, लगानी, विकास बैंक, होटल तथा पर्यटन, जीवन बीमालगायत समूहका कम्पनीले समग्र बजार बढाउन ठुलो भूमिका खेलेका छन् ।
प्रतिक्रिया