वीरगन्ज :

पर्सामा असुरक्षित गर्भपतन नियन्त्रणमा चुनौती, सीमावर्ती सहरसँग जोडिएको कारण समस्या थपियो

श्रेणी : अन्तर्राष्ट्रिय

1 month
Pradeep Sah
2.5kViews
1859 Shares

बीरगन्ज,१७ पुस । पर्सा जिल्लामा गर्भपतनका औषधिहरू खुलमखुला बिक्री भइरहँदा असुरक्षित गर्भपतनका घटनाहरू नियन्त्रण गर्न थप चुनौती आएको छ। सीमावर्ती सहर रक्सौलसँगको नजिक रहेका कारण, तस्करी गरिएको गर्भपतन औषधिको आपूर्ति बढ्दै गएको स्वास्थ्यकर्मीहरूले बताएका छन्।

नारायणी अस्पतालका स्त्री रोग विशेषज्ञ डा. सुरेन्द्रप्रसाद चौधरीले सीमावर्ती सहरसँगको नजिकाईले असुरक्षित गर्भपतनको नियन्त्रणमा थप जटिलता ल्याएको बताएका छन्। उनले, गर्भपतनका औषधि र त्यसको कारोबारलाई निगरानीमा राख्ने जरुरत रहेको बताए। साथै, गर्भपतन गर्दा यसलाई केवल स्वास्थ्यकर्मी र प्रमाणित संस्थाबाट मात्र सुरक्षित मान्ने कुरा पनि महत्वपूर्ण ठहराए।

स्वास्थ्य कार्यालयका प्रमुख डा. मुक्तिनारायण साहले गर्भपतनलाई परिवार नियोजनको अस्थायी उपायको रूपमा नहेर्न आग्रह गरे। उनले भ्रूणको लिङ्ग पहिचान गरेर गर्भपतन गराउनु कानुनी अपराध भएको र यसलाई रोक्न आवश्यक भएको बताए।

पर्सा जिल्लामा, आर्थिक वर्ष २०८०/८१ मा २० वर्ष मुनिका महिलाहरूको १२ हप्तासम्मको गर्भपतनमा ३१ महिलाले औषधिमार्फत सुरक्षित गर्भपतन गराए भने ९१ महिलाले सर्जिकलमार्फत गर्भपतन गराएका छन्। २० वर्ष मुनिका महिलाहरूसँग तुलना गर्दा, २० वर्षमाथिका महिलाहरूमा सर्जिकल गर्भपतनको संख्या उच्च रहेको छ।

नारायणी अस्पतालकी नर्सिङ निरीक्षक हेमा थापाले असुरक्षित गर्भपतनको जटिलताका कारण महिलाहरू सरकारी अस्पतालमा मात्र आउने गरेको र यसलाई सुरक्षित र गोपनीयतासँग सम्बन्धित समस्याको रूपमा व्याख्या गरिन्।

समाजिक कारणले लिङ्ग पहिचान गरेर गर्भपतन गर्ने प्रवृत्तिले भविष्यमा ठूलो समस्या निम्त्याउन सक्छ भन्ने चिन्ता व्यक्त गरिएको छ। स्वास्थ्यकर्मीहरूले यसलाई रोक्नको लागि कानुनी र सामाजिक दबाब बढाउनु आवश्यक भएको बताएका छन्।

प्रतिक्रिया

Leave a Reply

Your email address will not be published. Required fields are marked *