श्रेणी : BANNER

बीरगन्ज,१२ भदौ । बीरगन्जमा हैजाको संक्रमण तीव्र गतिमा फैलिएको छ। बुधबार मात्र थप १०६ जनामा हैजा पुष्टि भएपछि कुल संक्रमितको संख्या ५२८ पुगेको जिल्ला स्वास्थ्य संकट व्यवस्थापन समितिका प्रवक्ता सुमनचन्द्र ठाकुरले जानकारी दिएका छन्।

हालसम्म २५७ जना संक्रमित उपचारपछि निको भएर घर फर्किएका छन् भने २७१ जना विभिन्न अस्पतालमा उपचाररत छन्। तीमध्ये ३५ जनाको आईसीयूमा, ४ जनाको एचडीयूमा र २३२ जनाको जनरल वार्डमा उपचार भइरहेको छ।

नारायणी अस्पतालमा १५८ जना, बीरगन्ज हेल्थ केयर अस्पतालमा २४ जना, तराई हस्पिटलमा ४२ जना, नेसनल मेडिकल कलेजमा १९ जना, प्रभु अस्पतालमा ७ जना, सर्वोत्तम अस्पतालमा ६ जना, एडभान्स, नारायणी सेन्ट्रल र नीलकण्ठ अस्पतालमा ४–४ जना, भवानी अस्पतालमा २ जना र नेपाल मेडिसिटी बयोधामा १ जनाको उपचार भइरहेको छ।

संक्रमण नियन्त्रणका लागि वीरगञ्ज महानगरपालिकाले जनचेतनामूलक घरदैलो अभियान सञ्चालन गरिरहेको छ।