श्रेणी : मधेस

वीरगंज,२१ पुस – तराई मधेशमा दुई दिन लगतार रुपमा बढी रहेको चिसो र सितलहरले जनजीवन प्रभावित भएको । हाल देशमा पश्चिमी वायुको सामान्य प्रभाव रहेको छ । जसका कारण तराईका केही स्थानमा अहिले हुस्सु र कुहिरो लागेको जल तथा मौसम विज्ञान विभागको मौसम पूर्वानुमान महाशाखाले जनाएको छ।

हाल मधेश प्रदेश,बागमती प्रदेश, गण्डकी प्रदेश, लुम्बिनी प्रदेश र कर्णाली प्रदेशमा आंशिकदेखि साधारणतया बदली रहेको छ ।

बाँकी पहाडी तथा हिमाली भू–भागमा आंशिक बदली तथा बाँकी भू-भागमा मौसम मुख्यतया सफा रहेको छ। तराईका केही स्थानहरूमा हुस्सु र कुहिरो लागेको छ मौसम पूर्वानुमान महाशाखाले जनाएको छ ।

बिहानको समयमा तराई तथा उपत्यकाका धेरै स्थानहरूमा हुस्सु र कुहिरोको सम्भावना रहेकोले दैनिक जनजीवन,स्वास्थ्य,यातायात तथा हवाई उडानमा असर पर्न सक्ने महाशाखाले जनाएको छ । जसका लागि आवश्यक सतर्कता अपनाउन समेत अनुरोध गरिएको छ ।