श्रेणी : अन्तर्राष्ट्रिय

‘ब्ल्याक सी’ मा भएको खाद्यान्न सम्झौतालाई पुनः कार्यान्वयनमा ल्याउने मध्यस्थताका लागि टर्कीका राष्ट्रपति रेसेप तैयप एर्दोगान संयुक्त राष्ट्रसङ्घीय अधिकारीसँग निकट सम्पर्कमा रहेको टर्कीले जानकारी गराएको छ ।

राष्ट्रपति एर्दोगानले राष्ट्रसंघको महासभाका अवसरमा न्यूयोर्कमा संयुक्त राष्ट्रसङ्घका महासचिव एन्टोनियो गुटेर्रेससँग यस विषयमा छलफल गर्ने भएका हुन् । टर्कीका राष्ट्रपतिले पुटिनसँग सम्झौतालाई पुनः जीवित गर्नका लागि रूसका दुई मुख्य शर्तहरू रहेको बताएका छन् ।

मस्कोले खाद्यान्न निर्यातको भुक्तानी सहज गराउन आफ्नो कृषि बैङ्कलाई स्विफ्ट भुक्तानी प्रणालीमा पुनः जडान गर्ने र सम्झौतामा संलग्न रूसी जहाजहरूको लागि बीमा प्रदान गरिनुपर्ने मुख्य दुई शर्तहरू रहेको महासचिव गुटेर्रेसलाई जानकारी गराएको एर्दोगानले बताएका छन् । एर्दोगानले संयुक्त राष्ट्रसङ्घले हालै रूसको एउटा मागलाई सम्बोधन गर्ने प्रस्ताव अघि सारेको पनि बताए ।