श्रेणी : समाज

बुटवल । रुपन्देहीको सालझण्डीबाट अर्घाखाचीको पणेना गइरहेको लु १ च ९०२४ नम्वरको जिप पाल्पाको रैनादेवी छहरा गाउँपालिका वडा नम्बर ८ सत्यवतीमा दुर्घटना हुँदा तीन जनाको मृत्यु भएको छ ।

दुर्घटनामा १२ जना घाइते भएको वडा अध्यक्ष रेम बहादुर रानाले जानकारी दिएका छन् । घाइतेलाई स्थानीयवासी तथा प्रहरीको सहयोगमा उद्धार गरी उपचारको लागि बुटवल तर्फ पठाएको वडा अध्यक्ष रानाले जानकारी दिए । मृत्यु हुनेमा जिप चालक समेत छन् । मृतकको पहिचान खुल्न सकेको छैन ।