श्रेणी : BANNER

काठमाडौं । नेकपा माओवादी केन्द्रका नेता वर्षमान पुनकी आमा तीर्थमाली पुनमाथि गोली प्रहार भएको छ । देब्रे खुट्टामा गोली लागेको उनको अहिले ट्रमा सेन्टरमा उपचार भइरहेको छ ।

काठमाडौंस्थित घरमै रहेकी तीर्थमालीमाथि शुक्रबार राति साढे ९ बजे गोली प्रहार भएको र गोली प्रहार गर्ने प्रहरी हवल्दार प्रकाश पुन मगरलाई नियन्त्रणमा लिएर अनुसन्धान थालिएको प्रहरीले जनाएको छ ।

प्रकाशलाई शुक्रबार राति नै नियन्त्रणमा लिएर प्रहरी प्रधान कार्यालयमा ल्याएर अनुसन्धान थालिएको छ । प्रकाश कामु प्रधानन्यायाधीश हरिकृष्ण कार्कीको सुरक्षामा खटिने प्रहरी हुन् । उनी नातामा तीर्थमालीको नजिक नाती पर्छन् । प्रहरीले असावधानीवश गोली पड्केको हुनसक्ने प्रारम्भिक अनुमान गरेको छ ।