श्रेणी : अन्तर्राष्ट्रिय
8Views
0
Shares
इजरायली स्वास्थ्यमन्त्री प्रधानमन्त्री आर्यह डेरीको नियुक्तिविरुद्ध सर्वोच्च अदालतको फैसलापछि बेन्जामिन नेतन्याहूले उनलाई पदबाट बर्खास्त गरेका छन् ।
सर्वोच्च अदालतले गत बुधबार गतवर्ष कर छलीगरेको अभियोगमा दोषी ठहर भएका कारण ‘डेरीलाई पदबाट हटाउनुपर्ने’ फैसला सुनाएको थियो ।
प्रधानमन्त्रीको कार्यालयबाट जारी विज्ञप्ति अनुसार नेतन्याहूले डेरीलाई भारी मनकासाथ मन्त्रीबाट हटाउन बाध्य भएको बताएका छन् ।
इजरायलमा नोभेम्बर १ मा भएको निर्वाचनपछि गठबन्धन सम्झौताअन्तर्गत गत महिना दक्षिणपन्थी यहुदी पार्टीका नेता डेरीलाई स्वास्थ्य तथा आन्तरिक मन्त्री नियुक्त गरिएको थियो ।
न्यायाधीशहरूले डेरीले कम सजाय पाउनका लागि राजनीतिबाट राजीनामा दिन चाहेको जस्तो देखिएको बताएका छन् ।
वरिष्ठ राजनीतिज्ञलाई करिब ५० हजार अमेरिकी डलर जरिवाना गरिएको थियो र उनले आफ्नो संसदीय सीट त्यागेका थिए । तर नोभेम्बरको चुनावमा उनले फेरि प्रतिस्पर्धा गरेका थिए ।
प्रतिक्रिया