वीरगन्ज :

वीरगन्जको मेनरोड विस्तारको विरोधमा घरधनी र व्यापारी आन्दोलित

श्रेणी : BANNER

5 months
Pradeep Sah
1.7kViews
1495 Shares

वीरगन्ज,१२ चैत। वीरगन्जको मुख्य सडक (मेनरोड) विस्तार सम्बन्धमा सर्वोच्च अदालतको फैसला कार्यान्वयनको प्रक्रिया अघि बढेपछि मेनरोड क्षेत्रका घरधनी र व्यापारी आन्दोलित भएका छन्। २५ मिटर फराकिलो बनाउनुपर्ने सडक विस्तारको निर्णय सर्वोच्च अदालतले २८ फागुनमा सुनाएको थियो। यस निर्णयको आधारमा सडक विभागले ८ चैतमा वीरगन्जको नापी कार्यालयलाई सीमांकनको निर्देश दिएको छ।

तर, यसको विरोधमा वीरगन्जको मेनरोड क्षेत्रका घरधनी र व्यापारीहरूले आन्दोलन गर्दै वीरगन्ज बजार बन्द गर्ने घोषणा गरेका छन्। वीरगन्ज बचाउ संघर्ष समितिका संयोजक जवाहर प्रसाद गुप्ताले १३ चैत, बिहीबार बिहानदेखि दिउँसो १२ बजेसम्म बजार बन्द गर्ने निर्णय भएको जानकारी दिए। साथै, आदर्शनगर चोकमा भेला भएर जुलुस निकालेर प्रशासन कार्यालयमा ज्ञापनपत्र बुझाउने कार्यक्रम पनि तय गरिएको छ।

घरधनी र व्यापारीहरूको प्रमुख माग भनेको यो सडक विस्तार नगरी मुआब्जा दिएर वैकल्पिक मार्ग निर्माण गर्नु हो। उनका अनुसार, २५ मिटर फराकिलो सडक विस्तारका कारण १,१०० घरधनी र व्यापारिक प्रतिष्ठान प्रभावित हुनेछन्।

सर्वोच्च अदालतको निर्णयलाई विरोध गर्दै घरधनीहरूले पूर्णपाठ नआएको भन्दै फैसालाको कार्यान्वयन रोक्नुपर्ने माग गरेका छन्। उनीहरूको तर्क छ कि, वीरगन्जको अन्य सडक जस्तै बाइपास र इनर बाइपास निर्माण भएपछि मुख्य सडकको विस्तारको आवश्यकता छैन।

प्रतिक्रिया

Leave a Reply

Your email address will not be published. Required fields are marked *