जनकपुर,०४ चैत । महोत्तरी प्रहरीले ठूलो मात्रामा लागूऔषध गाँजासहित एक जनालाई पक्राउ गरेको छ। ५४७ किलो गाँजा लोड गरिएको मिनी ट्रकलाई प्रहरीले नियन्त्रणमा लिएको हो।
सिन्धुलीबाट बर्दिबासतर्फ जाँदै गरेको बा ३ ख ५८३२ नम्बरको ट्रक बर्दिबास-गौरीडाँडा बीपी राजमार्गमा जाँचका क्रममा समातिएको जिल्ला प्रहरी कार्यालय महोत्तरीका प्रहरी नायब उपरीक्षक शन्तु जैसवारले बताए।
गुप्त सूचनाका आधारमा ट्रक जाँच गर्दा चालक सलिन मगर (३७) लाई पक्राउ गरिएको हो। उनी सिन्धुपाल्चोकको बाहृबिसे नगरपालिका-७ स्थायी बासिन्दा हुन् र हाल काठमाडौं बस्दै आएका थिए।
मगरले ट्रकमा फल्स बटन बनाएर ३५ वटा पोकामा गाँजा लुकाएको प्रहरीले फेला पारेको हो। हाल घटनाको विषयमा थप अनुसन्धान भइरहेको प्रहरीले जनाएको छ।
प्रतिक्रिया