श्रेणी : BANNER

काठमाडौं । नेकपा एमालेका सचिव टोपबहादुर रायमाझीका छोरा सन्दीपलाई तीन दिन न्यायिक हिरासतमा राखेर अनुसन्धान गर्न अदातले प्रहरीलाई अनुमति दिएको छ ।

बुधबार बुटवलमा पक्राउ परेका उनलाई बिहीबार काठमाडौं जिल्ला अदालतमा उपस्थित गराइएको थियो । अदालतले उनलाई तीन दिन हिरासतमा राख्न अनुमति दिएको हो । नेपाली नागरिकलाई नक्कली भुटानी शरणार्थी बनाएर अमेरिका पठाउन करोडौँ रुपैयाँ असुल गरेको आरोपमा सन्दीप पक्राउ परेका हुन् ।

यही प्रकरणमा टोपबहादुरविरुद्ध पक्राउ पुर्जी जारी भएको छ । तर उनी पक्राउ परेका छैनन् । नेपाल सरकारका सचिव टेकनारायण पाण्डे पूर्वगृहमन्त्री रामबहादुर थापाका सुरक्षा सल्लाहकार इन्द्रजीत राई पक्राउ परिसकेका छन् । प्रहरीले गिरोहमा संलग्न भएको आरोपमा पूर्वगृहमन्त्री बादलका छोरा प्रतिकविरुद्ध पनि पक्राउ पुर्जी जारी गरिसकेको छ ।