श्रेणी : BANNER

बीरगन्ज,१९ वैशाख । भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) मा नेपाली विद्यार्थी प्रिसा साह मृत फेला परेको घटनाको छानबिन प्रक्रिया सुरु भएको ओडिसा राज्य सरकारले जनाएको छ।

राज्यको मौलिक तथा जनसम्पर्क विभागले जारी गरेको विज्ञप्तिमा घटनाबारे जानकारी पाउनेबित्तिकै प्रहरी आयुक्त, राजस्व डिभिजनल कमिश्नर लगायतका वरिष्ठ अधिकारीहरू अनुसन्धानमा खटिएको उल्लेख छ। प्रिसाको शव बिहीबार साँझ ८:१० बजे कलेजको छात्रावास (होस्टेल) मा भेटिएको थियो।

बीरगन्ज निवासी प्रिसा सो विश्वविद्यालयमा स्नातक तह पहिलो वर्षमा अध्ययनरत थिइन् र परीक्षा दिनकै लागि होस्टेलमा बस्दै आएकी थिइन्।

यो घटनाले अघिल्लो दुःखद घटनाको स्मरण पनि गराएको छ — गत फागुन ४ गते सोही कलेजमा अध्ययनरत प्रकृति लम्साल को पनि होस्टेलमै शव फेला परेको थियो। छोटो समयमै दुई नेपाली विद्यार्थीको मृत्यु भएपछि विभिन्न पक्षबाट गम्भीर छानबिनको माग उठ्दै आएको छ।

ओडिसा सरकारले भने घटनालाई गम्भीर रूपमा लिएर विस्तृत अनुसन्धान अगाडि बढाइएको र दोषी पत्ता लगाउन सबै आवश्यक कदम चालिने स्पष्ट पारेको छ।