श्रेणी : BANNER

वीरगञ्ज (पर्सा) — पर्सा निर्वाचन क्षेत्र नम्बर–१ का प्रतिनिधिसभा उम्मेदवार तथा नेकपा (एमाले) का नेता प्रदीप यादवले निर्वाचन क्षेत्रभित्र सक्रिय युवा तथा विद्यार्थीहरूसँग अर्थपूर्ण संवाद गरेका छन्। परिवर्तनको चाहना बोकेका जुझारु र सचेत युवाहरूको उल्लेखनीय सहभागितामा सम्पन्न उक्त छलफलले चुनावी माहोललाई थप ऊर्जावान बनाएको छ।

छलफलका क्रममा उम्मेदवार यादवले युवाशक्तिलाई आफ्नो सबैभन्दा ठूलो आधार र प्रेरणाको स्रोतका रूपमा प्रस्तुत गर्दै युवाहरूको उत्साह, विश्वास र प्रतिबद्धताले आफूलाई अझ जिम्मेवार बनाएको बताए। उनले अब आफ्नो क्षेत्रको भविष्य आफैं निर्माण गर्ने समय आएको उल्लेख गर्दै एकताबद्ध प्रयासबाट मात्र चुनावी विजय सम्भव हुने धारणा राखे।

युवा तथा विद्यार्थी सहभागीहरूले पनि परिवर्तन, विकास र समृद्धिका लागि संगठित रूपमा अघि बढ्ने प्रतिबद्धता जनाउँदै आगामी प्रतिनिधिसभा निर्वाचनमा विजय सुनिश्चित गर्न सक्रिय भूमिका खेल्ने अठोट व्यक्त गरे।

कार्यक्रम आपसी विश्वास, जोश र एकताको सन्देशसहित सम्पन्न भएको थियो।