बीरगन्ज,०५ चैत । पर्सा जिल्लामा यही चैत ७ गतेदेखि सुरु हुने कक्षा ८ को परीक्षामा ६,१८३ विद्यार्थी र एसईई परीक्षामा १४,४१४ विद्यार्थी सहभागी हुने भएका छन्।

शिक्षा विकास तथा समन्वय एकाइ, बीरगन्जका प्रमुख हरि राउतका अनुसार कक्षा ८ को परीक्षामा संस्थागत विद्यालयबाट २८८३ र सामुदायिक विद्यालयबाट ३३०० विद्यार्थी सहभागी हुनेछन्।

कक्षा ८ को परीक्षामा सहभागी विद्यालयहरू, सामुदायिक विद्यालय ३५ वटा, संस्थागत विद्यालय ९५ वटा, परीक्षा केन्द्र सामुदायिक ६० ं संस्थागत ५०। ११ वटा, एसईईमा १४,४१४ विद्यार्थी सहभागी, यसैगरी, चैत ७ गतेदेखि सुरु हुने माध्यमिक शिक्षा परीक्षा एसईई मा १४,४१४ विद्यार्थी सम्मिलित हुने भएका छन्।

विद्यार्थी विवरण, नियमित ९,९७३ जना, प्राविधिक २१० जना, ग्रेडवृद्धि २०८० साल १,०६० जना, ग्रेडवृद्धि २०७९ साल १७० जना छन्।

विद्यालय र परीक्षा केन्द्रहरू, सामुदायिक विद्यालय ७० वटा, संस्थागत विद्यालय ५० वटा, परीक्षा केन्द्र पर्सा २९ वटा समुदायिक २८, संस्थागत १०, बीरगन्ज महानगरभित्र परीक्षा केन्द्र १७ वटा, महानगरबाहिर परीक्षा केन्द्र १२ वटा छन्।
प्रमुख राउतका अनुसार, परीक्षा निष्पक्ष, मर्यादित र सुव्यवस्थित बनाउन सम्पूर्ण तयारी पूरा गरिसकिएको छ।