वीरगन्ज :

६ किलो गाँजासहित एक युवक पक्राउ

श्रेणी : अपराध

2 months
Pradeep Sah
3.0kViews
1745 Shares

हेटौंडा,२१ असार । मकवानपुरको भिमफेदी गाउँपालिका–१, बागझोरामा प्रहरीले ठुलो परिमाणमा लागुऔषधसहित एक युवकलाई पक्राउ गरेको छ। जिल्ला प्रहरी कार्यालय मकवानपुरका अनुसार पक्राउ पर्ने व्यक्ति हेटौंडा उपमहानगरपालिका–११, थानाभर्‍याङ निवासी ३६ वर्षीय कुमारसिङ गोले हुन्।

त्रिभुवन राजपथ हुँदै हेटौंडातर्फ गइरहेको बा ९४ प ८०८६ नम्बरको मोटरसाइकल जाँचका क्रममा प्रहरीले उनलाई समातेको हो। हेटौंडा–१ स्थित चौकीटोलबाट खटिएको प्रहरी टोलीले बाघझोरामा शंका लागेपछि मोटरसाइकल रोकेर चेकजाँच गर्दा ६ किलो ८२० ग्राम गाँजा फेला परेको हो।

हाल पक्राउ परेका गोलेलाई लागुऔषध सम्बन्धी कसूरमा अनुसन्धान अघि बढाइएको प्रहरीले जनाएको छ। प्रहरीका अनुसार गाँजा कहाँबाट ल्याइएको र कसलाई पुर्‍याउन लागिएको भन्नेबारे थप अनुसन्धान भइरहेको छ।

प्रतिक्रिया

Leave a Reply

Your email address will not be published. Required fields are marked *