श्रेणी : समाचार

हुम्ला । हुम्लाको चंखेली गाउँपालिका–६ मा पहिरोले एक घर पुरिँदा ४ जना मृत्यु भएको छ भने ३ जना घाइते भएका छन् । घरमाथिबाट आएको पहिरोले घर पुरिँदा उनीहरुको मृत्यु भएको हो । स्थानीय ध्रुवकुमार शाहीकाअनुसार मृत्यु हुने चारै जना बालबालिका हुन् ।

घटनास्थल पुग्न सदरमुकाम सिमकोटबाट तीन दिन लाग्ने प्रहरीले जनाएको छ । घाइते तीन जनाको स्थानीय स्वास्थ्यचौकीमा उपचार भइरहेको छ । अहिले पनि झरी परिरहेकोले पुरिएकाको शव निकाल्न सकिएको छैन ।