बङ्गलादेशले भारतलाई कूटनीतिक नोट पठाएर अपदस्थ प्रधानमन्त्री हसिनालाई सुपुर्दगी गर्न माग गरेको छ । बीबीसीका अनुसार बङ्गलादेशको विदेश मन्त्रालयले हसिनालाई न्यायिक प्रक्रियामा सामेल हुन फिर्ता पठाउनुपर्ने कुरा भारतलाई जानकारी गराएको छ ।

बङ्गलादेशकी पूर्व प्रधानमन्त्री हसिना गएको अगस्ट ५ देखि भारतमा छिन् । भारतको विदेश मन्त्रालयले बङ्गलादेशको उच्च आयोगबाट हसिनालाई सुपुर्दगी गर्न अनुरोध प्राप्त भएको पुष्टि गर्दै प्रक्रिया थाल्ने कुरामा भारत सकारात्मक भएको सङ्केत गरेको खबरमा उल्लेख छ ।