श्रेणी : अपराध
2.0kViews
1291
Shares
काठमाडौं,१४ वैशाख । काठमाडौंको बिजुलीबजारमा जारी शिक्षक आन्दोलनले शनिबार दुर्भाग्यपूर्ण मोड लियो, जब एक शिक्षक आफन्त आन्दोलनकारीहरूको हातपातको शिकार बने।
धनगढी उपमहानगरपालिका–१ का स्थायी बासिन्दा तथा हाल काठमाडौंको आलोकनगर बसोबास गर्दै आएका ५४ वर्षीय शिक्षक केशवराज जोशीमाथि आन्दोलनकै क्रममा कुटपिट भएको हो।
श्री दुर्गा आधारभूत माध्यमिक विद्यालय, धनगढीका शिक्षक जोशी नेपाल शिक्षक महासंघको आन्दोलनमा सहभागी भइरहेका थिए। दिउँसो करिब १ बजे १५–२० जना शिक्षकको समूहसँग मतभेद हुँदा विवाद झगडामा परिणत भएको र सोही क्रममा उनीमाथि हातपात भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
प्रहरीले जोशीलाई तत्काल उद्धार गरी सिभिल अस्पताल पुर्याएको छ र अहिले उनको उपचार भइरहेको छ।
शिक्षकहरू जस्ता सामाजिक मूल्य र शिक्षाको जिम्मेवारी बोकेका व्यक्तिहरूबीच यस प्रकारको हिंसा हुनुले आन्दोलनको उद्देश्यमै प्रश्न उठाएको छ।
प्रतिक्रिया