श्रेणी : अन्तर्राष्ट्रिय

जनकपुरधाम, २७ चैत । मधेस प्रदेशका मुख्यमन्त्री सतिशकुमार सिंहले आफ्नो भारत भ्रमणलाई राजकीय नभई व्यक्तिगत भ्रमण भएको बताएका छन्। बुधबार प्रदेशसभा बैठकमा विपक्षी दलका सांसदहरूले उठाएको प्रश्नमा उनले आफ्नो भ्रमणको उद्देश्य स्पष्ट गर्दै भने, “मैले मुख्यमन्त्रीको हैसियतले कुनै राजकीय वा विशेष भ्रमणमा नजाँदै भारत गएको हुँ।”

मुख्यमन्त्री सिंहले थपे, “विगतमा अन्य मुख्यमन्त्रीहरूले पनि कुनै विशेष भ्रमणको लागि सरकारसँग अनुमति लिएका थिएनन्।” उनले भने, “मेरो भ्रमणमा सरकारको अनुमति आवश्यक छैन, यो व्यक्तिगत भ्रमण हो जसमा जनकपुरको विकास र अयोध्याको कनेक्सनलाई मजबुत बनाउने कुरा छ।”

मुख्यमन्त्री सिंहले जनकपुर र अयोध्याका बीचमा पर्यटकहरूको आवागमन बढाउनको लागि आफ्नो पहललाई निरन्तर अघि बढाइरहेको र आफूले अयोध्यामा भ्रमण गर्ने क्रममा कपिलवस्तुमा आफन्तसँग भेट्ने अवसर पाएको बताए।

“साथै, म नेपालका प्रमुख तीर्थस्थलहरूको भ्रमणलाई पनि प्रोत्साहित गर्न चाहन्छु, जसले नेपालको अर्थतन्त्रमा योगदान पुर्याउँछ,” उनले भने।