श्रेणी : मधेस
1.9kViews
1878
Shares
वीरगन्ज, २१ माघ । वीरगन्ज महानगरपालिका वडा नम्बर १५ भेडियाईस्थित एक चार्जिङ स्टेशनमा आगलागी भएको छ ।
वीरगन्ज महानगरपालिका वडा नम्बर १५ भेडियाईस्थित विकास साह सोनारद्वारा सञ्चालित चार्जिङ स्टेशनमा आगलागी भएको हाे । आगलागीबाट चार्जिङ स्टेशन र पाँचवटा अटो रिक्सासहित करिब २५ लाख रुपैयाँको क्षति भएको जनाईएको छ ।
चार्जिङ स्टेशनका सञ्चालक सोनारका अनुसार आगो सुरुमा चार्जमा रहेको एएटा अटो रिक्साबाट लागेको थियो। आगो फैलिँदै जाँदा अन्य चार वटा अटो रिक्सासहित स्टेशन पूर्ण रूपमा जलेर नष्ट भएको उनले बताए ।
आगलागीबाट क्षति पुगेका सबै अटो रिक्साहरू आफ्नै भएको सोनारले जानकारी दिएका छन् ।
घटनाबारे थप अनुसन्धान भइरहेको भिष्वा प्रहरी बीटका असई शिवरत्न महतोले जानकारी दिए ।
प्रतिक्रिया