लायन्स क्लब वीरगंजकाे स्वर्ण जयन्तीका अवसरमा नमस्ते इन्टरटेन्मेन्ट नेपालसँगको सहकार्यमा पहिलो पटक भोजपुरी सिने अवार्ड वितरण समाराेह आयाेजना गर्न लागिएको लायन्स क्लब अफ वीरगंज स्वर्ण जयन्ती समारोहका संयोजक अशोक वैद्यले वताए ।

सामाजिक, शिक्षा, स्वास्थ्य लगायतका क्षेत्रहरुमा काम गर्दै आएको लायन्स क्लब अफ वीरगंजले नेपालकाे चलचित्र  क्षेत्रका कलाकारहरुको सम्मान गरी उनीहरुको अभिनय कलालाई थप प्रोत्साहन गर्नका लागि भाेजपुरी सिने अवार्ड वितरण समाराेहको आयोजना गर्न लागेकाे संयोजक वैद्यले बताए ।

नेपाल चलचित्र बाेर्डमा दर्ता भएका चलचित्रमा अभिनय गर्ने कलाकारहरुलाई लक्षित गरी अवार्ड  प्रदान गरिने नमस्ते नेपाल इन्टरटेन्मेणन्टका प्रमुख एंव भोजपुरी चलचित्रका नायक प्रदेशी साहले बताए । भोजपुरी भाषाको बाहुल्यता रहेको वीरगंजमा भाेजपुरी चलचित्र र त्यसमा अभिनय गर्ने कलाकारहरुकाे पहिचानको लागिपनि सिने अवार्डको आयोजना गर्न लागिएको उनले बताए ।

उक्त समाराेहमा चलचित्र विकास बाेर्डका अध्यक्ष तथा नायक भुवन केसी, वरिष्ठ अभिनेता नीर शाह लगायतका कलिउडका कलाकारहरुको सहभागीता रहने साहले पत्रकार सम्मेलनमा जानकारी दिए । नेपालमा रहेका भोजपुरी कलाकारहरुलाई सम्मान गरी वीरगंजकाे पहिचान स्थापित गर्ने पहिलो प्रयास रहेको नायक साहले बताए ।

वीरगंज मै धेरै भोजपुरी कलाकारहरुले योगदान गरेपनि उनीहरुले समाजमा अहिलेसम्म सम्मान पाउन नसकेको र भारतीय बजारमा नेपाली भन्ने र नेपाली बजारमा भोजपुरी भाषी कलाकारहरुको योगदानको खासै कदर नगरिएपछि लायन्स क्लब अफ वीरगंजकाे पहलमा कार्यक्रमको आयोजना गर्न लागिएको साहले बताए ।

उक्त कार्यक्रममा करिब २७ लाख रुपैयाँ खर्च लाग्ने अनुमान गरिएको लायन्स क्लब अफ वीरगंजका सचिव दिपेन्द्र यादवले वताए । कालिका टाईम्स