श्रेणी : मधेस

वीरगंज । राष्ट्रिय स्वतन्त्र पार्टी (रास्वपा) पर्साको प्रथम जिल्ला भेला आइतबार वीरगंजमा सम्पन्न भएको छ । वीरगंजस्थित क्लासिक ब्यान्क्वेटको सभाहलमा भएकाे भेलामा सभापतिमा हरि पन्त निर्विराेध निर्वाचित भएका हुन् ।

साथै आठ सदस्यीय जिल्ला समिति पनि निर्बिरोध निर्बाचित भएका छन् । भेलाले उपसभापतिमा तुल्सा पैडेल, सचीवमा सुदिश प्रजापति, सहसचिवमा कृष्ण पासवान, सदस्यहरुमा दिलिप कुर्मी, पुर्ण सापकोटा, सुरेश यादब र प्रियन्का पटेललाई सर्वसमत चयन गरेकाे नवनिर्वाचित जिल्ला सभापति पन्तले जानकारी दिए ।

यस अघि भेलाकाे उद्घाटन पार्टीका केन्द्रिय उपसभापति डा. स्वर्णिम वाग्लेले गरेका थिए । कार्यक्रमका प्रमुख अतिथी समेत रहेका डा. वाग्लले भेलामा निर्बाचित समितीका पदाधिकारी तथा सदस्यहरुलाई सपथ खुवाएका थिए ।

सभापति पन्त यस अघि जेष्ठमा रास्वपा मधेस प्रदेशद्वारा पर्साको जिल्ला संयोजक चुनिएका थिए ।