श्रेणी : मधेस

वीरगंज । वीरगंज महानगरपालिकाकाे वडा नं. १० अशाेकबाटिकामा रहेकाे माउन्ट मकालु इङलिस बोडिङ्ग स्कुलको २७ औं वार्षिकोत्स तथा सांस्कृति कार्यक्रम आइतबार भब्य रुपमा सम्पन्न भएको छ ।

स्कुलका प्रिन्सपल राहुल श्रीवास्तवकाे अध्यक्षतामा भएकाे कार्यक्रमकाे उद्घाटन प्याब्सनका केन्द्रीय सदस्य छेडुप लामाले गरेका थिए ।

कार्यक्रमकाे उद्घाटन गर्दै केन्द्रिय सदस्य लामाले नेपालको शिक्षा प्रणालीमा निजी विद्यालयकाे धेरै योगदान रहेको बताए । उनले निजी विद्यालयहरुले गुणस्तरीय शिक्षासंगै अतिरिक्त क्रियाकलापमा समेत उतिकै महत्त्वपूर्ण भुमिका खेल्न सफल भएको बताए ।

कार्यक्रमका प्रमुख अतिथी समेत रहेका लामाले अभिभावकको भावनालाई निजी विद्यालयले राम्रो बुझेको र सोही अनुसार बालबालिकाहरुलाई हेरचाह गर्ने काम समेत गर्दै आएकाे वताए । उनले मुलुककाे शिक्षा निति मै त्रुटिहरु रहेको वताउँदै त्यसलाई सच्याउन पनि जरुरी रहेको वताए ।

समाजिक अभियान्ता एवम् जनमत पार्टी पर्साका अध्यक्ष ओमप्रकाश सर्राफले विद्यालयहरुले विद्यार्थीहरुलाई संस्कार र सीप मुलक शिक्षा दिनु पर्ने वताए । उनले अबको पुस्तालाई संस्कार सिकाउन जरुरी रहेको वताए ।

कार्यक्रममा अध्ययनरत विद्यार्थीहरुले विभिन्न किसिमका संस्कृतिक कार्यक्रम समेत प्रस्तुत गरेका थिए ।

वीरगंजस्थित क्लासिक बैंक्वैटमा भएकाे कार्यक्रममा कार्यक्रममा प्याब्सन मधेश प्रदेशका प्रमुख सल्लाहकार मणि पाख्रिन, सल्लाहकार लालबाबु पटेल, प्याब्सन पर्साका अध्यक्ष पुरण प्रधान, बरिष्ठ उपाध्यक्ष सरोज चौधरी, प्रेस सेन्टरका केन्द्रिय सदस्य जगत राई, समाजवादी प्रेस संगठन पर्साका अध्यक्ष शम्भु कुमार सुमन, उपाध्यक्ष हरिशंक शर्मा, वीरगंज युवा समाजका कमल चाेलागाई, कञ्चनजंघा माविका प्रबन्ध निर्देशक मार्टिन मोक्तान, लिटल बडी प्रि स्कुलका प्रिन्सपल विजय बाल, सनसाइक स्कुलका प्रिन्सपल, अमित आलाेक, वीरगंज महानगरपालिकाका सुनिल कुर्मी, पत्रकार दिपु वर्णवाल, अर्जुन गुप्ता, अजित भुजेल लगायतको उपस्थिती रहेको थियो । कार्यक्रमकाे संचालन पत्रकार सुर्या नारायण विकेले गरेका थिए ।