श्रेणी : BANNER

बीरगन्ज,१८ भदाै । नेपाल सरकारका खानेपानी मन्त्री प्रदीप यादव र बीरगन्ज महानगरपालिकाका मेयर राजेशमान सिंहलाई ज्यान मार्ने धम्की दिएको आरोपमा पक्राउ परेकी किरण साहको स्वास्थ्यमा समस्या देखिएपछि उनलाई अस्पताल भर्ना गरिएको छ।

२२ वर्षीया किरण साहलाई बान्ता र पेट दुख्ने गम्भीर समस्या देखिएपछि बुधबार बिहान बीरगन्जस्थित नारायणी अस्पतालको आकस्मिक कक्षमा भर्ना गरिएको जिल्ला प्रहरी कार्यालय पर्साका सूचना अधिकारी प्रहरी नायब उपरीक्षक (डीएसपी) किशोर लम्सालले जानकारी दिए।

उनका अनुसार साहलाई भदौ १४ गते शनिबार पक्राउ गरिएको थियो। स्वास्थ्यमा देखिएको समस्या र उपचार प्रक्रिया डीएसपी लम्सालका अनुसार, साहले पक्राउ परेको दिनदेखि पानी बाहेक केही पनि नखाएको हुँदा उनको स्वास्थ्यमा समस्या देखिएको हो। मंगलबार साँझदेखि स्थिति गम्भीर बनेपछि उनलाई राति नै नारायणी अस्पताल लगिएको थियो। उपचारपछि केही सुधार आएपछि पुनः राति १२ बजे महिला थुनामा फर्काइएको थियो।

नारायणी अस्पतालका चिकित्सक डा। अभिनास श्रीवास्तवले किरण अत्यधिक कमजोरी अवस्थामा अस्पताल आइपुगेको र आवश्यक उपचारपछि अवस्था सामान्य बन्ने अपेक्षा गरिएको बताए। धम्की प्रकरणको पृष्ठभूमि बारा जिल्लाको कलैया उपमहानगरपालिका वडा नं. २६ स्थित सिस्वा महेशपुरकी किरण साह हाल वीरगन्ज महानगरपालिका वडा नं. १३ मुर्लीमा डेरा गरी बस्दै आइरहेकी थिइन्।

घरपरिवारका सदस्यहरू झाडापखालाबाट पीडित भएपछि उनले खानेपानीको गुणस्तर र वितरणबारे चासो राख्दै मन्त्री र मेयरसँग फोन संवाद गरेकी थिइन्। यही संवादको क्रममा उनले चर्को आवाजमा बोल्दै ज्यान मार्ने धम्की दिएको भन्दै मन्त्री प्रदीप यादवका पर्सनल असिस्टेन्ट (पीए) हरिन्द्र यादवले जिल्ला प्रहरी कार्यालय पर्सामा उजुरी दर्ता गरेका थिए।

त्यसपछि प्रहरीले उनलाई अनुसन्धानका लागि नियन्त्रणमा लिएको थियो। किरणले आफूले कुनै आपराधिक उद्देश्यले नभई पानीको विषयमा जनप्रतिनिधिहरूसँग चर्को स्वरमा कुरा गरेको स्वीकार गरेकी छिन्। साथै, स्वास्थ्य बिग्रँदै गएको हुँदा केही पनि खान नसकेको र अस्पताल पु¥याइएपछि मात्र केही राहत महसुस भएको उनले बताएकी छन्।