श्रेणी : मधेस

जनकपुर,२५ पुस । मधेस केन्द्रित दलहरूबीच सहकार्य र एकता निर्माणका प्रयास तीव्र भइरहेको छ। तर, राष्ट्रिय मुक्ति पार्टी नेपालका अध्यक्ष राजेन्द्र महतोले सहकार्य र एकता अघि बढाउनका लागि उद्देश्य स्पष्ट हुनुपर्ने सर्त अघि सारेका छन्।

चन्द्रागिरिमा तीन दिनसम्म बसेको पार्टी पदाधिकारी बैठकमा महतोले सहकार्यका लागि दीर्घकालीन उद्देश्य आवश्यक रहेको बताए। उनका अनुसार, केवल संविधान संशोधन वा सत्ताको समीकरणका लागि एकता गर्नु व्यर्थ छ। सहकार्यले मधेसको पहिचान र अधिकार सुनिश्चित गर्न दीर्घकालीन सोच र परिवर्तनको पक्षमा काम गर्नुपर्छ।

महतोले अन्य मधेस केन्द्रित दलहरूसँग छलफल गर्न चाँडै कार्यदल गठन गर्ने तयारी गरेका छन्। कार्यदलले सहकार्यका सर्तहरू प्रस्ट गर्दै अघि बढ्नेछ।

बैठकमा दुईवटा कार्यपत्र – “राष्ट्रिय मुक्ति क्रान्तिको कार्यदिशा” र “राष्ट्रिय मुक्ति क्रान्तिको नीति र योजना” माथि व्यापक छलफल भएको थियो। दुबै कार्यपत्र पारित भइसकेका छन् र माघ दोस्रो हप्तामा बस्ने केन्द्रीय समितिको बैठकमा प्रस्तुत गरिनेछ।

माघको केन्द्रीय बैठक चार दिनसम्म चल्नेछ। यसमा दुई दिन प्रशिक्षण र बाँकी दिन अन्य एजेन्डाहरूमा छलफल हुनेछ। साथै, फागुन १६ गते काठमाडौँमा हुने बृहत् प्रदर्शनको तयारीका विषयमा पनि बैठकमा विचार गरिनेछ।

४ दिनसम्म चल्ने केन्द्रीय समितिको बैठकमा दुई दिन प्रशिक्षण चल्ने छ भने बाँकी दिन अन्य एजेन्डाहरूमा छलफल हुने बताइएको छ । पहिचानवादी शक्तिहरूको बिचमा एकता र सहकार्यको विषयमा केन्द्रीय समितिको बैठकमा पनि बताइएको छ । त्यस्तै, फागुन १६ गते काठमाडौँमा बृहत् प्रदर्शन गर्ने त्यसको तयारीको बारेमा पनि पार्टीको बैठकमा छलफल हुने नेता महताेले बताए ।