श्रेणी : BANNER

वीरगंज (पर्सा), २९ चैत । मधेश प्रदेशमा भारतीय वीमा कम्पनी हाबी रहेकोले सर्वसाधारणहरु नेपाली वीमा कम्पनीको पहुँच भन्दा बाहिर रहेको सञ्चारकर्मीहरुले बताएका छन् । नेपाल वीमा प्राद्यिकरणले वीरगंजमा आयोजना गरेको बारा, पर्सा तथा रौतहटका सञ्चारकर्मीहरुसँगको अन्तरक्रिया कार्यक्रममा बोल्दै सहभागी सञ्चारकर्मीहरुले मधेश प्रदेशका जिल्लाहरुमा विदेशी वीमा कम्पनी हावी रहेकै कारण नेपाली वीमा कम्पनी यहँको नागरिकको पहुँचभन्दा टाँढा रहेको बताएका हुन् ।

वीमा प्राद्यिकरणको तथ्याँक अनुसार मधेश प्रदेशमा जनसंख्या बढि रहेपनि ९० प्रतिशतभन्दा बढि नागरिकहरु वीमाको पहुँच भन्दा बाहिर छन् । मुलुक भरिमा ४४ प्रतिशत नागरिक वीमाको पहुँचसम्म रहेतापनि मधेश प्रदेशमा ९ प्रतिशत नागरिक मात्रै वीमाको पहुँचमा रहेको तथ्याँकले देखाएको छ । यथार्थमा तथ्याँकले यही देखाएपनि मधेश प्रदेशका ५० प्रतिशत भन्दा बढि नागरिकहरु भारतीय वीमा कम्पनीको पहुँचमा रहेको सञ्चारकर्मीको भनाई छ ।

मधेश प्रदेशमा भारतीय वीमा कम्पनी हावी रहेकै कारण नेपाली वीमा कम्पनीको पहुँचसम्म पुग्न नसकेको उनीहरुको भनाई छ । मधेश प्रदेशका जिल्लाहरु नेपाल भारत सीमावर्ती नाकामा पर्ने गरेको कारण यहाँका नागरिकहरु नेपाली भन्दा पनि भारतीय वीमा कम्पनीको पहुँचमा छन् । भारतीय वीमा कम्पनीमा वीमा गराएका ७० प्रतिशतभन्दा बढि नागरिकहरुले आफ्नो वीमाको रकम नपाएको कारण वीमा कम्पनीबाट विश्वास गुमेको उनीहरुको भनाई छ । यो विश्वासलाई पुनः कायम गर्न नेपाली वीमा कम्पनीले बढिभन्दा बढि जनचेतना फैलाउन आवश्यक रहेको सहभागी सञ्चारकर्मीहरुको भनाई छ ।

मधेश प्रदेशमा अधिकाँश नागरिकहरु कृषिमा निर्भर रहेको कारण कृषि वीमा वृद्धि गर्नुपर्ने सञ्चारकर्मीहरुले सुझाव दिएका छन् । कृषि वीमामा नेपाल सरकारले दिने गरेको अनुदान एवं त्यसबाट हुने फाइँदा, सहुलितबारे यहाँका नागरिकहरुलाई जानकारी गराई कृषि वीमातर्फ आकर्षित गर्नुपर्ने उनीहरुले सुझाव दिएका हुन् । जीवन वीमाबारे आमनागरिकसम्म जनचेतना फैलाउन सञ्चारमाध्यमको महत्वपूणर् भूमिका रहेकोले वीमा कम्पनी र सञ्चारकर्मीबीचको समन्वयको आवश्यक रहेकोले वीमाबारे प्रचार प्रसारको निम्ति सञ्चारकर्मीहरुको प्रोत्साहनको लागि पुरस्कारको व्यवस्था गर्नुपर्ने सञ्चारकर्मीहरुको भनाई छ ।

अर्कोतर्फ वीमा कम्पनीहरु मधेश प्रदेशका सहरी क्षेत्रमा मात्रै कायम रहेको कारण पनि सम्पूर्ण नागरिकहरु वीमाबाट बञ्चित रहेको सहभागी सञ्चारकर्मीहरुको भनाई छ । वीरगंज आर्थिक नगरी भएको कारण यहाँ निर्जीवन वीमा सक्रिय रहेतापनि जीवन वीमा कम्पनी सर्वसाधारणको पहुँचसम्म पुग्न नसकेको उनीहरुको भनाई छ । वीमा कम्पनीहरु सहरी क्षेत्रभन्दा बाहिर ग्रामीण क्षेत्रका आम नागरिकहरुलाई जीवन वीमाको उद्देश्य, फाइदा, वित्तिय सुरक्षा लगायतको बारेमा जनचेतना फैलाई वीमाको पहुँचसम्म ल्याउनुपर्ने उनीहरुको भनाई छ ।

कार्यक्रममा सञ्चारकर्मीहरुबाट उठेको जिज्ञासाको जवाफ दिदै नेपाल वीमा प्राद्यिकरणका निर्देशक दिनेश कुमार लालले वीमाबारे सर्वसाधारणहरुमा जनचेतनाको कमि रहेको बताउँदै धेरै भन्दा धेरै प्रचार प्रसारको आवश्यकता रहेको बताएका छन् । उनले मधेश प्रदेशका सम्पूर्ण नागरिकसम्म वीमाको पहुँच पुर्‍याउन जनचेतना आवश्यक रहेको बताए । उनले मुलुकको ७ प्रदेशमध्ये सबैभन्दा बढि मधेश प्रदेशका नागरिकहरु बीमाको पहुँचभन्दा बाहिर रहेकोले यो अवस्थालाई न्यूनीकरण गर्न एवं जनचेतना फैलाउन सञ्चारकर्मीहरुको महत्वपूर्ण भूमिका रहेकोले यस कार्यमा सहयोग गर्न सञ्चारकर्मीहरुलाई आग्रह गरेका थिए ।

कार्यक्रममा नेपाल वीमा प्राद्यिकरणका अध्यक्ष सूर्य प्रसाद सिलवालले वीमा कम्पनीको उद्देश्य, महत्व एवं आवश्यकताबारे औँल्याएका थिए । कार्यक्रममा नेपाल पत्रकार महासंघ पर्साका उपाध्यक्ष युवराज खड्का, बाराका अध्यक्ष रेशम तिवारी लगायत बारा, पर्साका सञ्चारकर्मीहरुको उल्लेख्य सहभागिता रहेको थियो । कार्यक्रमलाई नेपाल वीमा प्राद्यिकरण मधेश प्रदेश कार्यालय वीरगंजकी उप-निर्देशक कुसुम शर्माले संचालन गरेकी थिइन् ।