श्रेणी : BANNER
12Views
0
Shares
जनकपुरधाम। जनता समाजवादी पार्टी (जसपा) नेपालका अध्यक्ष उपेन्द्र यादवले मधेश प्रदेशमा यही सरकारलाई निरन्तरता दिँदै आलोपालोमा नेतृत्व परिवर्तन हुने बताएका छन् ।
शुक्रबार जनकपुरधाममा आयोजित पत्रकार सम्मेलन अध्यक्ष यादवले पाँच दलीय गठबन्धनको सहमति अनुसार मधेशप्रदेशमा सरकार विस्तार हुने बताएका हुन् ।
अध्यक्ष यादवले जनमत पार्टी गठबन्धनमा रहेर गठबन्धनविरुद्ध नै लागेकाले उसलाई सरकार नराख्नेबारे गठबन्धन दलहरुबीच भएको सहमति अनुसार अघि बढ्ने बताए ।
अर्को प्रसंगमा उनले नेपाली नागरिकरलाई शरणार्थी बनाएर अमेरिका पठाउने कार्यले अमेरिकालाई खतरा होइन नेपालको संविधानमासमेत खतरा पुग्न सक्ने भएकाले उच्चस्तरीय छानबिन गरी दोषीहरुलाई कानून बमोजिम कारवाही हुनुपर्ने बताए ।
जसपा अध्यक्ष यादवले निजामति कर्मचारीऐन र प्रहरी समायोजन तत्कालै गर्नुपर्ने माग गर्दै राष्ट्रपति कार्यालयमा दुवै सदनबाट पारित भएको नागरिकता विधेयक तत्काल वर्तमान राष्ट्रपतिले प्रमाणीकरण गर्नुपर्ने हो र यसका लागि आफू प्रयासरत रहेको बताए ।
प्रतिक्रिया