नेपाल भाेजपुरी समाज र मधेश प्रज्ञा-प्रतिष्ठानकाे संयुक्त आयाेजनामा भएकाे कार्यक्रममा कार्यपत्र प्रस्तुत गर्दै भाषा आयाेगका सदस्य गाेपाल अश्कले मधेस प्रदेशमा बोलिने भाषाहरुको स्थलगत सर्वेक्षण गराई त्यसको अभिलेखीकरण गर्नु पर्ने वताए ।

साथै मैथिली, भोजपुरी र बज्जिका जस्ता विकसित तथा समृद्ध भाषामा पाठ्यक्रम तथा पाठ्यपुस्तकको लेखन गर्न, मधेस प्रदेशमा भाषागत बाहुल्य क्षेत्रमा सम्बन्धित भाषामा मातृभाषामा शिक्षा प्रदान गराउने कार्य गर्न, मैथिली, भोजपुरी र बज्जिका जस्ता विकसित भाषाको भाषिक तथा साहित्यिक इतिहासको लेखन गराउन, मधेस प्रदेशमा कम मातृभाषीहरू भएका भाषाहरूका वक्ताहरुलाई आ-आफ्ना भाषा बोल्न र जीवनमा प्रयोग गर्नका लागि सम्यक वातावरण बनाउने प्रयत्न गर्न उनले सुझाव प्रस्तुत गरे ।

नेपाल भाेजपुरी समाजका अध्यक्ष ध्रुव सिंह ठकुरीकाे अध्यक्षतामा भएकाे कार्यक्रमकाे उद्घाटन मधेश प्रज्ञा प्रतष्ठान मधेश प्रदेश जनकपुरधामका अध्यक्ष रामभराेस कपाडीले गरेका थिए ।

क्लासिक ब्यांकेटमा भएकाे कार्यक्रममा भाेजपुरी प्रतिष्ठान बाराका अध्यक्ष रामप्रसाद साह, बरिष्ठ साहित्यकार डा. विश्वम्भर शर्मा, उद्याेग वाणज्य संघ मधेश प्रदेशका पूर्व अध्यक्ष गणेश लाठ, ठाकुर राम बहुमुखि क्याम्पसका उप प्रध्यापक कुमार सच्चिदानन्द सिंह, जनमत पार्टी पर्साका अध्यक्ष ओमप्रकाश सर्राफ लगायतकाे उपस्थिती रहेकाे थियाे ।

भाेजपुरी समाजका उपाध्यक्ष रितु राज पटेलले संचालन गरेकाे कार्यक्रममा स्वागत मन्तव्य भाेजपुरी समाजकी सलमा खातुनले राखेकी थिइन ।