श्रेणी : अन्तर्राष्ट्रिय
2.4kViews
1220
Shares
काठमाडौं,१९ चैत । भारतको झारखण्ड राज्यमा दुई मालवाहक रेल आपसमा ठोक्किँदा चालकसहित दुईजनाको मृत्यु भएको छ भने चारजना घाइते भएका छन्।
भारतीय समाचार एजेन्सी पीटीआई का अनुसार, दुर्घटना मङ्गलबार बिहान झारखण्डको साहिबगञ्ज जिल्लामा भएको हो।
प्रहरीका अनुसार दिउँसो ३ बजेतिर बरहट प्रहरी चौकी क्षेत्रअन्तर्गत भोगनाडीह नजिकै दुर्घटना भएको हो। दुर्घटनामा संलग्न दुवै रेलहरू भारतको सरकारी विद्युत् कम्पनी एनटीपीसी का थिए।
दुर्घटना भएको रेल ट्र्याक पनि एनटीपीसीकै रहेको बताइएको छ। यो ट्र्याक मुख्य रूपमा पावर प्लान्टहरूमा कोइला ढुवानी गर्न प्रयोग गरिन्छ।
रेल ठोक्किनुको कारणबारे विस्तृत अनुसन्धान भइरहेको भारतीय अधिकारीहरूले बताएका छन्। दुर्घटनास्थलमा उद्धार टोली खटाइएको छ भने घाइतेहरूको स्थानीय अस्पतालमा उपचार भइरहेको छ।
प्रतिक्रिया