वीरगन्ज :

बीरगन्जमा सोनार प्रिमियर लिग टी–२० क्रिकेट चैत २३ देखि सुरु

श्रेणी : खेलकुद

2 days
Pradeep Sah
2.4kViews
1707 Shares

बीरगन्ज,१९चैत । बीरगन्जमा सोनार प्रिमियर लिग९एसपिएल० टी–२० क्रिकेट प्रतियोगिता आगामी चैत २३ गतेददेखि सुरु हुने भएको छ । सोनार प्रिमियर लिगको ५ औं संस्करण बीरगन्जको आदर्शनगर रंगशालामा चैत २३ गतेदेखि सुरु हुने आयोजक पर्सा सुनचाँदी कालिगढ संघका उपाध्यक्ष कौशलकिशोर सर्राफले बताए ।

उनका अनुसार, प्रतियोगितामा कूल आठ टिमले भाग लिने भएका छन् । आठ वटा टिमलाई दुई समुहमा बाँडिएको छ ।समुह ए मा विशाल किंग्स, घण्टाघर स्टार, एमजिएसटी वारियर्स, जनता साईकल तथा समुह बी मा कालिगढ संघ, माँ वैश्णव ज्वेलर्स, ओम वारियर्स र शुभम ज्वेलर्स रहेका छन् ।

प्रतियोगिताका लागि गत शनिबार वीरगन्जको होटल आदर्श इनमा आयोजित अक्शनमा कूल १ सय ३१ जना खेलाडीले नाम दर्ता गराएकोमा तीमध्ये १ सय १४ जना खेलाडी बिक्री भएको अक्शनमा सहभागी राजकुमार सर्राफले बताए ।

यसपालिको सोनार प्रिमियर लिगका खेलहरु डे नाइट हुने उनले बताए ।

पर्सा सुनचाँदी कालिगढ संघले यसअघिका चार बर्षहरुमा उक्त प्रतियोगिता सफलतापूर्वक आयोजना गरिसकेको जनाउँदै सर्राफले यसपालिको ५ औं संकस्करणका लागि तयारी सुरु गरिसकेको बताए ।

प्रतिक्रिया

Leave a Reply

Your email address will not be published. Required fields are marked *