श्रेणी : अर्थ

बीरगन्ज, १७ पुस । बीरगन्जको कुम्हाल टोलस्थित एक घरमा सशस्त्र प्रहरीले छापा मारेको छ, जहाँ ८ लाख २८ हजार रुपैयाँ मूल्यको तस्करी गरिएको कपडा बरामद भएको छ। सशस्त्र प्रहरी बल नेपाल द्वारा खटिएको टोलीले बुधबार घरमा छापा मारेर राजश्व छलेर भारतबाट ल्याइएका कपडा बरामद गरेको हो।

सुराकीको आधारमा, बीरगन्ज भन्सार कार्यालयको सीमा सुरक्षा गुल्मबाट खटिएको टोलीले घरमा गोदाम बनाएर राखिएका कपडाको जाँच गरेको थियो। सशस्त्र प्रहरी नायब उपरीक्षक लोकेन्द्र सुबाले जानकारी दिँदै उक्त कपडा बुधबार नै बीरगन्ज भन्सार कार्यालयमा बुझाइएको बताउनुभयो।

घरधनीको नाम भने प्रहरीले खुलाएको छैन। अनुसन्धान र कारबाही प्रक्रिया जारी रहेको छ।