श्रेणी : मधेस

बीरगन्ज, ०४ भदौ । बीरगन्जका पूर्व मेयर प्रदीप सुवेदी राष्ट्रिय प्रजातन्त्र पार्टी (राप्रपा) मा औपचारिक रूपमा प्रवेश गरेका छन्।

सुवेदीलाई राप्रपाका सांसद दीपक बहादुर सिंहले सदस्यता प्रदान गर्दै पार्टीमा स्वागत गरे। लामो समय राप्रपा नेपालसँग सक्रिय रहे पनि पछिल्लो चरण निष्क्रिय बनेका सुवेदी फेरि सक्रिय राजनीतिमा फर्किएका हुन्।

पार्टी प्रवेशपछि सुवेदीले हिन्दू राष्ट्र र राजसंस्थाको पुनर्स्थापना राप्रपाको मुख्य एजेन्डा भएको भन्दै त्यसलाई सबल बनाउन आफू प्रतिबद्ध रहेको बताए। उनले देशभक्त तथा राष्ट्रवादी शक्तिहरू एकजुट हुनुपर्ने आवश्यकता औंल्याउँदै राप्रपामा समाहित भएको स्पष्ट पारे।

यसैबीच पर्सामा सम्पन्न राप्रपाको विस्तारित बैठकले जिल्लाभर पार्टी संगठन विस्तार गर्ने, निष्क्रिय समितिहरूलाई पुनः सक्रिय बनाउने र निर्धारित समयमा अधिवेशन सम्पन्न गर्ने निर्णय गरेको छ।