श्रेणी : अपराध
2.3kViews
1517
Shares
बारा,१५ माघ । बाराको जीतपुर सिमरा उपमहानगरपालिका-१६ पैनी टोलस्थित सडकबाट स्रोत नखुलेको १० लाख रुपैयाँसहित दुई जना पक्राउ परेका छन्।
पक्राउ पर्नेमा पर्सा सखुवाप्रसौनी-१ का ३२ वर्षीय अनिल पटवारी थारू र वीरगञ्ज महानगरपालिका-१५ लक्ष्मनवाका ३१ वर्षीय ओमप्रकाश यादव रहेका छन्।
प्रहरीले कलैयाबाट विराटनगर जाँदै गरेको म प्र ०३-००१ च ८०७३ नम्बरको पिकअप गाडीको सिटमुनी लुकाइएको नगदसहित उनीहरूलाई गएराति पक्राउ गरेको हो।
इलाका प्रहरी कार्यालय सिमरा र अस्थायी प्रहरी पोष्ट डुमरवानाबाट खटिएको टोलीले उक्त रकम फेला पारेको हो। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया