श्रेणी : मधेस

बीरगञ्जमा हालै भएको एक सडक दुर्घटनामा ४५ वर्षीया एक महिला गम्भीर रूपमा घाइते भएकी थिईन्। प्रारम्भिक परीक्षणपछि उनको बायाँ नाडीमा गम्भीर चोट लागेको पुष्टि भएको थियो, जसलाई चिकित्सकीय भाषामा Frykman Type III फ्र्याक्चर भनिन्छ।

यो फ्र्याक्चरको प्रकृति अत्यन्त जटिल मानिन्छ, जसले हातको गति, शक्ति र समन्वयमा दीर्घकालीन असर पार्न सक्छ।
उक्त गम्भीर चोटको उपचार प्रभु हस्पिटल, बीरगञ्जमा गरिएको हो। बिरामीको सफल शल्यक्रिया वरिष्ठ हड्डी तथा जोर्नी रोग विशेषज्ञ डा। नवनीत रौनियारको नेतृत्वमा सम्पन्न भएको हो। उनको नेतृत्वमा कार्यरत दक्ष सर्जिकल टोलीले आधुनिक प्रविधिको प्रयोग गर्दै उच्च सावधानीका साथ फ्र्याक्चरको शल्यक्रिया गरेका थिए।

Frykman Type III फ्र्याक्चरमा नाडीको भित्री भागमा गहिरो असर पर्ने हुँदा, यसको उपचारमा सटीकता, समय व्यवस्थापन र विशेषज्ञता अत्यन्त महत्वपूर्ण हुन्छ। प्रभु हस्पिटलमा उपलब्ध अत्याधुनिक उपकरण, डिजिटल इमेज गाइडेड सर्जरी, र सुरक्षित शल्यक्रिया कक्षको प्रयोगले उपचारलाई सफल बनाउन महत्त्वपूर्ण भूमिका खेलेको थियो।

शल्यक्रियापछि बिरामीलाई अस्पतालमै राखी निगरानीमा राखिएको छ। हाल उनको अवस्था सन्तोषजनक छ।

यो सफल उपचारले डा। नवनीत रौनियार र उनको टोलीको दक्षता, अनुभव र समर्पण लाई झल्काउँछ। यस घटनाले प्रभु हस्पिटलको सेवा, प्रविधि र विशेषज्ञताको स्तरलाई अझ एक कदम माथि पुर्‍याएको छ। अस्पतालले पुनः एकपटक प्रमाणित गरेको छ कि गम्भीर र जटिल केसहरूमा पनि उचित व्यवस्थापन, दक्ष टोली र समयमै उपचारले उत्कृष्ट नतिजा दिन सकिन्छ।