श्रेणी : BANNER

काठमाडौं । नेकपा एमालेका सांसद रघुजी पन्तले प्रधानमन्त्री पुष्पकमल दाहाल प्रचण्डको भारत भ्रमणबारे सदनलाई जानकारी गराउन माग गरेका छन् । मंगलबारको प्रतिनिधिसभा बैठकमा सांसद पन्तले प्रधानमन्त्रीको भारत भ्रमणबारे सञ्चारमाध्यमबाट जानकारी पाएको भन्दै सदनमा जानकारी गराउन माग गरेका हुन् ।

भारतले बोलाएको खण्डमा प्रधानमन्त्री प्रचण्ड भारत जानु उपयुक्त हुने भन्दै उनले हालसम्म भारत भ्रमणको मितिसमेत तय भइनसक्दा पनि प्रधानमन्त्री भारत जान्छु भन्ने अभिव्यक्ति दिने गरेको भन्दै आपत्ति जनाए ।

उनले संसदमा प्रधानमन्त्रीको भारत भ्रमणबारे छलफल हुनुपर्ने बताए । भारत भ्रमणका क्रममा असमान सन्धी, सम्झौता लगायतका विषयमा छलफल गर्नुपर्ने उनको भनाइ थियो । भारत भ्रमणमा जाँदा संसद र प्रमुख प्रतिपक्षी दलको समर्थन लिएर जानुपर्ने सांसद पन्तले बताए ।