वीरगंज (पर्सा), ३२ जेठ । पर्साको पोखरिया नगरपालिका वडा नम्बर ४ मा बिहिबार राती आगलागी भएकाे छ । राति २ बजेको समयमा भएकाे आगलागीमा स्थानिय इम्तियाज आलमको फुसको घर पूर्ण रुपले जलेर नष्ट भएकाे प्रहरीले जनाएकाे छ । आगलागीमा घरमा रहेकाे एउटा भैंसी र १६ वटा खसीबाख्रापनि जलेर मरेको इलाका प्रहरी कार्यालय पाेखरियाले जनाएकाे छ । आगलागीले करिब रु ५ लाख बराबरको क्षति भएकाे वडाध्यक्ष लक्षमण साह कानूले जानकारी दिए ।

बिधुतको नांगो तार हावाले एक आपसमा लडेर फुसको छाना भएकाे घरमा आगलागी भएकाे स्थानियले वताएका छन् । आलमकाे घरगोठमा लागेको आगो पोखरिया नगरपालिकाको दमकल, स्थानीयबासी र प्रहरीकाे सहयाेगमा नियन्त्रणमा आएकाे इलाका प्रहरी कार्यालय पाेखरियाका प्रहरी निरिक्षक राजन दहालले बताए ।