श्रेणी : मधेस
1.9kViews
1351
Shares
बीरगन्ज, २८ साउन । पर्साको बहुदरमाई नगरपालिका वडा नम्बर २ मा बुधबार बिहान आगलागी हुँदा स्थानीय राजु रामको फुसको घर र गोठ जलेर पूर्ण रूपमा नष्ट भएको छ। आगलागी बिहान सवा ५ बजे भैंसीका लागि खोलेको चुल्होबाट लागेको हो।
– Advertisement –
आगलागीले घरभित्र रहेका लत्ताकपडा, भाँडाकुँडा र अन्नपात जलेका छन् भने गोठमा रहेका पाडा र बाख्राहरू पनि जलेर मरेका छन्। आगो निभाउने क्रममा घरधनी राम पनि जलेर घाइते भएका छन् र उनको उपचार वीरगन्जस्थित नारायणी अस्पतालमा भइरहेको छ।
आगलागी नियन्त्रणमा प्रहरी र स्थानीयले मिलेर काम गरेका हुन्। प्रारम्भिक अनुमानअनुसार करिब ४ लाख ५० हजार रुपैयाँ बराबरको क्षति भएको प्रहरीले जनाएको छ।
प्रतिक्रिया