श्रेणी : BANNER

वीरगंज (पर्सा), २० वैशाख । परम्परागत खेती भन्दा पनि प्राविधिक खेतीले कृषकलाई औधोगीकिकरणतर्फ उन्मुख गरेको छ । युवाहरु विदेसिएका कारण पनि दैनिक ज्यालादारीमा देखिएको समस्यालाई प्राविधिक खेतीले केहिहदसम्म समाधान गरेपछि किसान यान्त्रिकरण तर्फ झन हौसिएका छन् । पोटाटो प्लान्टर नामक आलु रोप्ने मेशिनबाट १२ कठ्ठा खेतमा आलु रोपेका फेटा गाउँपालिका-१ त्रिवेणीका किसान पारस ठाकुरले गत साता आलु खन्ने मेसिनले आलु खनेर भित्र्याए ।

‘पोटाटो डिगर’ नाम गरेको उक्त मेशिनले खेतबाट आलु खनेर भित्र्याउदा उनले ठूलै राहत महशुस गरे । एकातिर परम्परातग विधि अर्थात दैनिक ज्यालादारीमा गरिएको खेती भन्दा डेढ गुना बढी आलु उत्पादन भयो । अर्कोतिर आलु खन्दा लाग्ने ज्यामी खर्च पनि ७८ प्रतिशतले जोगियो । किसानका लागि यान्त्रिकरण कृषिकार्यलाई पनि औधोगीकरण तर्फ उन्मुख गर्ने वरदाननै साबित हुने बताउदै उनले आलु रोप्ने र खन्ने दुबै काममा गरी मेरो समय र अर्थ दुबै जोगिएको बताए । ठाकुर र उनी जस्ता बारा पर्सा लगायत तराईका अन्य किसानलाई यान्त्रिकितर्फ अकर्षित गर्न थालेको छ । यस बर्ष आलु रोप्न र खन्न दुबै काममा कृषि औजार अनुसन्धान केन्द्र रानिघाट वीरगन्जले सहयोग गरेको थियो । केन्द्रले ४ बर्ष अघि यो प्रविधि किसान माझ ल्याएको हो । यस अघि केन्द्र परिसरमै परीक्षण पछि यो मेशिन किसानलाई प्रयोगका लागि सिफारिश गरिएको केन्द्र प्रमुख सचिन मिश्रा बताउछन् । किसानले बिस्तारै यो प्रविधि अपनाउदै गएको र यस बर्ष पर्सा/बारामा गरी १० हेक्टरमा यसरी किसानले यान्त्रिकरण विधि अपनाएर आलु रोप्ने र खन्ने काम गरेको उनले बताए ।

कृषकलाई खेतीमा टेवा पुगनको लागी सरकारले मेशिन तथा अन्य प्राविधि सहयोगको लागी अनुदानको व्यवस्था समेत गरेको छ । तर वास्तवीक किसान भन्दा पनि सोर्सफोसले गर्दा वास्तविक किसान भन्दा पनि अन्यले अनुदान पाउने गरेको कारण पनि यान्त्रिकिकरण चाहिए जति प्रभावकारी नभएको कृषि अनुशन्धान परिषदको अनुगमन तथा मुल्यांकन महाशाखाका प्रमुख सुधा सापकोटाको भनाइ छ । केन्द्रले सिफारिश गरेको यी मेशिन हाल काभ्रे, पोखरा लगायतका किसानले आलु खेतीमा प्रयोग गरी रहेको र देश भरी गरी एक दर्जन यस्ता मेशिन प्रयोगमा रहेको उनले बताए । पोटाटो डिगर मेशिनले आलु लगाएको खेतमा एकै पटकमा सजिलै संग आलु खन्न सकिने उनले बताए ।आलु मात्र नभइ उुखु,मकै लगायतका खेतीलाई यान्त्रिकरणले सहज बनाउनुका साथै औधोगीकरण तर्फ उन्मुख गरेको छ ।किसानहरुको आर्थिक अवस्था दयनीय भएकोले पनि स्थानिय निकासको व्यवस्थापनमा यान्त्रिकि खेतीलाई अगाडि बढाउनु पर्ने धारणा बारा फेटा गाउपालिकाका अध्यक्ष हुसेन अन्सारीको रहेको छ ।

मेशिनको प्रयोगले परम्परागत खेती भन्दा लाग्ने ज्यालादारीमा ६० प्रतिशत र उर्जामा ७८ प्रतिशत बचत तथा कम खर्चमा खेलीले तराईका कृषकलाई प्राविधि खेतीतर्फ हौस्याएको छ । उपकरणको प्रयोगले बढ्दो श्रमिक अभाबको समस्या समाधान हुने मात्र नभई समयमै बाली उठाई खराब मौसमको प्रभावबाट जोगिन सकिन्छ । तर कृषि प्रधान भनिए पनि बिच र मलको अभावले कृर्षिकार्यलाई लाभभन्दा पनि खाटाको व्यापार बनाएको छ ।त्यसमा पनि राज्यले व्यस्था गरेको अनुदान र सहयोग पनि बिचौलिया र पार्टि कार्यकर्ताले पाउने गरेको गुनासो बढदै गएको छ । विरगंज टाईम्स