श्रेणी : BANNER

वीरगंज । विराटनगर महानगरपालिका-१६ रानीका ३१ वर्षीय पत्रकार प्रेम देवानमाथि हातपात र दुर्व्यवहार भएको भएकाे छ । आफुमाथि समाचार सङ्कलनका क्रममा विराटनगर महानगरपालिका परिसरमा बिहिबार आन्दोनकारीबाट हातपात र दुर्व्यवहार भएको पत्रकार देवानले वताए ।

विराटनगर महानगरपालिका-७ स्थित सातघुम्ती मोडमा बुधबार कवाडीखानामा आगलागी भएको र आगो नियन्त्रणका लागि महानगरपालिकाको भूमिका कमजोर रहेको भन्दै स्थानीयले बिहिबार महानगरपालिका घेरेपछि आवर विराटनगर डटनेटका लागि समाचार सङ्कलनका लागि पुग्दा आफूलाई आन्दोलनरत पक्षबाट हातपात र दुर्व्यवहार भएको पीडित पत्रकारले बताए ।

आन्दोलनरत पक्षले समाचार सङ्कलनका लागि फोन गरी विराटनगर महानगरपालिका–७ स्थित महानगरपालिका कार्यालय परिसरमा बोलाएको र आफू पुग्दासाथ हातपातका साथै दुर्व्यवहार गरिएको पीडित पत्रकारको आरोप छ ।

हातपातका कारण पत्रकार देवानको बाँया हातमा चलाउन समस्या भएको छ ।

घटनाका आरोपितविरूद्ध जिल्ला प्रहरी कार्यालयमा उजुरी दिने तयारी गरिएको आवर विराटनगर डटनेटका सम्पादक नवराज कट्टेलले बताए ।

पत्रकारमाथि भएको दुर्व्यवहारको पत्रकारसम्वद्ध सङ्घसंस्थाले विरोध गरेका छन् । कालिका टाईम्स