श्रेणी : BANNER

वीरगंज (पर्सा), १५ फागुन । जेसीसको बिधानलाई नै चुनौती दिदै वीरगंज जेसिस २०२४ का अध्यक्ष भएका अजय चौधरीको सदस्यता खारेज गर्नु भन्दै जेसीसमा उजुरी परेको छ ।

जेसीसको बिधानले सदस्यता हुनका लागि १८ बर्ष पुरा हुनु पर्ने एवं ४० बर्ष नकटेको हुनु पर्ने नियम अंगिकार गरेको छ । तर हाल सम्म भएको अधिबेशनमा निर्वाचन समितिको चरम लापरवाहीका कारण उमेर ढाटेर अजय चौधरी अध्यक्ष भएका छन् । बिधानको मर्मलाई धज्जी उठाएको भन्दै वीरगंज जेसीस भितै चरम बिवाद देखिएका छन् ।

जेसीजको विधानको परिच्छेद–४ को स्थानिय संगठन सदस्य अन्तर्गत धारा ४.२ मा योग्यताको सम्बन्धमा व्यवस्था भए अनुसार “शाखाले त्यस्ता व्यक्तिगत सदस्यहरुको उमेर अठार (१८) बर्ष भन्दा नघटाईकन र चालिस (४०) बर्षमा नबढाईकन सिमित गर्नुपर्ने छ“ भन्ने व्यवस्था उल्लेख गरेको छ । साथै वीरगंज जेसीजको आन्तरिक विधान २०७८ को परिच्छेद ३ को ५ मा १८ (अठार) वर्ष देखि ४० (चालिस) वर्ष सम्मको युवा नागरिकहरु यस संस्थाको सदस्यता हुन सक्ने छन् भन्ने व्यवस्था उल्लेख भएको देखिन्छ ।

तर विरगंज जेसीज वर्ष २०२४ का लागि अध्यक्ष हुनु भएका जेसी अजय चौधरी मिति २०८० मंसिर १६ गते शनिवार (तदानुसार ०२ डिसेम्बर २०२३) बीरगंज जेसीज वर्ष २०२३ को बार्षिक साधारण सभा तथा निर्वाचन एवंम २०८० पौष २७ गते ÷ तदानुसार १२ जनवरी २०२४) शुक्रवारका दिन सम्पन्न वीरगंज जेसीजको ५१ औं पदस्थापना तथा सपथ ग्रहण कार्यक्रम भन्दा अगावै संलग्न नेपाली नागरिकताको प्रमाण पत्रको प्रतिलिपी बमोजिम ४० वर्ष भन्दा बढी उमेर कटिसकेको कारण विधान बमोजिम स्वतः जेसीजको सदस्यता नरहने हुँदा सदस्यको लागि अयोग्य व्यक्ति अध्यक्ष हुन नसक्ने देखिएको छ ।

अध्यक्ष भनिएका अजय चौधरीलाई सो पदबाट हटाउनु पर्ने भन्दै बीरगंजका उपाध्यक्ष उमेश गुप्ता २०२३ ले काठमाडौं थापाथलीमा रहेको जेसीसको सचिवालयमा उजुरी दिएका छन् । उनले चौधरी बिधानत स्वतः सधारण सदस्यबाट हटि सकेको बताउँदै बिधानमा उल्लेख रहेको नियमलाई कार्यवन्यन गर्नु उजुरीमा उल्लेख गरेका छन् ।

ध्यानाकर्षण सम्बन्धी परिपत्रमा उमेर हदका विषयमा नेपाल जेसीजको सचिवालयमा यदि कुनै निवेदन वा पत्र पूर्ण प्रमाणका साथ दर्ता हुन आएमा उक्त विषयमा नेपाल जेसीज तत्काल कारवाहीको प्रक्रिया अगाडी बढाउने“ भन्ने व्यहोराको पत्र प्राप्त हुदां समेत शाखामा कुनै चासो नदेखएको जानकारी गराउँदै नेपाल जेसीजबाट नियम अनुसार आवश्यक छानविन गरि विधान विपरित उमेर हद कटेका बीरगंज जेसीज बर्ष २०२४ का अध्यक्ष पदमा रहेका भनिएका जेसी अजय चौधरीज्यू अयोग्य रहेको हुदाँ निजलाई तत्कालै पदीय हैसियतमा कुनै कामकारवाही गर्न नपाउने गरी अध्यक्ष पदवाट हटाई विधान सम्मत रुपमा गरिमामय संस्थालाई वैधानिक रुपमा सञ्चालन गरिपाऊँ भन्दै केन्द्रिय अध्यक्ष समक्ष माग पेश गरेको छ । कालिका टाईम्स