काठमाडौं, ११ फागुन । नेपाल नर्सिङ परिषद्ले प्रवीणता प्रमाणपत्र तह (पीसीएल) नर्सिङ र बिएस्सी नर्सका लागि लिएको ३८औँ लाइसेन्स परीक्षाको नतिजा सार्वजनिक गरेको छ। नतिजा अनुसार कुल ५६.०१ प्रतिशत परीक्षार्थीले सफलता प्राप्त गरेका छन्।

पीसीएल नर्सिङ तर्फ १,९७४ जनाले आवेदन दिएकोमा १,९५५ जनाले परीक्षा दिए। तीमध्ये १,१८१ जना (५९.८३ प्रतिशत) उत्तीर्ण भएका छन्।

बिएस्सी नर्सिङ तर्फ २५१ जना परीक्षार्थीमध्ये २४४ जनाले परीक्षा दिएका थिए, जसमा १३१ जनाले (५२.१९ प्रतिशत) सफलता प्राप्त गरेका छन्।

परिषद्ले सफल परीक्षार्थीलाई समयमै आवश्यक प्रक्रिया पूरा गरेर लाइसेन्स लिन आग्रह गरेको छ ।