श्रेणी : खेलकुद
2.7kViews
1058
Shares
वीरगंज (पर्सा), १८ फागुन । दाेस्राे सखुवा प्रसाैनी क्रिकेट टुर्नामेन्टकाे उपाधि कालिकामाई गाउँपालिकाले जितेकाे छ । बुधबार भएकाे टुर्नामेन्टकाे फाइनल खेल ४५ रनले छिपहरमाई गाउँपालिकालाई हराउँदै कालिकामाई विजयी भएकाे हाे ।
सुरुमा टस जितेर ब्याटिङ गरेकाे कालिकामाईले पुरै २० ओभर खेल्दै ७ विकेटकाे नाेक्सानी १४९ रन बनाएकाे थियाे । त्यसपछि १५० रनकाे लक्ष्यसहित जवाफी ब्याटीङमा उत्रेकाे छिपहरमाईले पुरै २० ओभर खेल्दै ९ विकेटकाे नाेक्सानीमा १०४ रनमा समेटिएपछि कालिकामाई विजयी घाेषित भएकाे थियाे ।
विजेता टिम कालिकामाईलाई सखुवा प्रसाैनी गाउँपालिकाका अध्यक्ष यसवन्त यादवले रु ५१ हजार नगद पुरस्कारसहित ट्रफीले सम्मान गरेका थिए । उप विजेता छिपहरमाईले पनि नगद पुरस्कार रु २५ हजार र ट्रफी पाएका थिए ।
म्यान अफ द म्याच २१ बलमा २० रन बनाएका र ३ विकेट लिएका कालिकामाईका मनु हजरा घाेषित भएका हुन् । म्यान अफ द सिरिज कालिकामाई कै अजय महताे घाेषित भए । उनले माेबाइनल पुरस्कार पाए ।
सखुवा प्रसाैनी गाउँपालिकाकाे सहयाेग र सखुवा प्रसाैनी युवा समाजकाे आयाेजनामा टुर्नामेन्ट भएकाे थियाे । कालिका टाईम्स
प्रतिक्रिया