वीरगन्ज :

त्रिशुली नदीमा नुहाउने क्रममा दुई बालिका बेपत्ता, उद्धार प्रयास जारी

श्रेणी : प्रदेश

4 months
Pradeep Sah
3.0kViews
1592 Shares

नुवाकोट,३१ वैशाख । नुवाकोटको बेलकोटगढी नगरपालिका–७ कचौडे भीरस्थित त्रिशुली नदीमा नुहाउने क्रममा दुई बालिका बेपत्ता भएका छन्। मंगलवार साँझको यो दुखद घटनापछि सुरक्षाकर्मीहरूले खोजी अभियान तीव्र पारेका छन्।

बेपत्ता हुने बालिकाहरूमा ११ वर्षीया जेनी डंगोल र ११ वर्षीया सदिक्षा राई रहेको जिल्ला प्रहरी कार्यालय, नुवाकोटले जानकारी दिएको छ। उनीहरू साथीसँगै नदीमा नुहाउन गएका थिए भने नुहाउने क्रममा बगेर हराएको प्रारम्भिक विवरणमा उल्लेख छ।

घटनापछि सशस्त्र प्रहरी बलको विपद् व्यवस्थापन तालिम प्राप्त विशेष टोली, नेपाल प्रहरी र स्थानीयको सहयोगमा खोजी कार्य जारी छ। सशस्त्र प्रहरी बलका सह–प्रवक्ता डीएसपी शैलेन्द्र थापाका अनुसार मंगलबार साँझदेखि नै खोजी सुरु गरिए पनि बालिकाहरूको अवस्था पत्ता लाग्न सकेको छैन।

“आज बिहानदेखि पनि टोलीले त्रिशुली नदीको आसपासमा खोजी कार्यलाई थप तीव्र बनाएको छ,” थापाले बताए। उनले घटनास्थल जोखिमपूर्ण भएकाले उद्धारमा विशेष सावधानी अपनाइरहेको जानकारी दिए।

प्रतिक्रिया

Leave a Reply

Your email address will not be published. Required fields are marked *