श्रेणी : मधेस

वीरगंज । जनमत पार्टी निकट युवा दस्ता पर्साकाे संयोजकमा मनोज साह चयन भएका छन् ।

पार्टी निकटका संगठनलाई थप सुदृढ, कृयासिल र लोककल्याणकारी बनाउन जनवर्गीय संगठन बाँडफाड भएकाे जिम्मेवारी अन्तर्गत युवा दस्ताकाे जिल्ला संयाेजककाे जिम्मेवारी साहलाई दिइएकाे जनमत पार्टी पर्साका अध्यक्ष ओमप्रकाश सर्राफले वताए ।

त्यसैगरी बुद्धिजीवी जनमत संघको जिल्ला संयोजक लिला कुमारी साह, थारु जनमत संघ पर्सा जिल्ला संयोजक श्याम चौधरी थारु, मजदुर जनमत संघ पर्साको जिल्ला संयोजक विष्णु कुशवाहा र दलित जनमत संघ पर्साको जिल्ला संयोजककाे जिम्मेवारी नरेश रामलाई दिइएकाे अध्यक्ष सर्राफले जानकारी दिए ।

त्यसैगरी पार्टीकाे शुभेच्छुक संगठन शिक्षक जनमत संघ पर्साको जिल्ला संयोजककाे जिम्मेवारी उमेश ठाकुरलाई दिइएकाे छ । जिम्मेवारी बाँडफाड बारे पार्टीका पर्सा जिल्ला इन्चार्ज माधव सिंह र पर्सा जिल्ला अध्यक्ष सर्राफले हस्ताक्षर गरेकाे पत्र मार्फत पार्टीकाे केन्द्रिय सचिवालयलाई समेत जानकारी गराइएकाे छ ।