श्रेणी : BANNER
2.8kViews
1411
Shares
वीरगंज । ट्रेड मार्क नक्कल गरी चुइगम उत्पादन गरेको भन्दै शंकर लाल मितल संचालक रहेको स्वीट मार्ट फुड प्रा.लि. वीरगंज उपर कारवाही सुरु भएको छ ।
सुजल फुड्स प्रा.लि. पोखराको उजुरीको आधारमा उद्योग विभागले ७ दिनको म्याद दिएर स्वीट मार्ट फुड प्रा.लि.लाई उपस्थित हुन म्याद जारी गरिएको समाचार बुझिन आएको छ ।
सुजल फुड्स प्रा.लि. पोखराले उद्योग विभागमा दिएको उजुरीमा आफ्नो ECLAIRs\ र BUBBLe\ fUn\ नामक ट्रेड मार्कको नक्कल गरी स्वीट मार्ट फुड प्रा.लि.ले उत्पादन गरेकोले हदै सम्मको कारवाहीको साथै कराेडौं रुपैया क्षतिपुर्ती समेत माग गरेको बुझिन आएको छ ।
मितलको स्वीट मार्ट फुड प्रा.लि.बाट क्षतिपुर्ती वापत एक ब्राण्डको मात्रै क्षतिपुर्ती वापत ४ करोड ७७ लाख ८७ हजार ८ सय ४० रुपैया सुजल फुड्स प्रा.लि.ले माग दावी गरेको छ ।
सुजल फुड्स प्रा.लि. को उजुरीको आधारमा मितलको स्वीट मार्ट फुड प्रा.लि.मा उद्योग विभागले मंगलवार सुचना समेत टांस गरेको बुझिन आएको छ ।
मितलले आफ्नो स्वीट मार्ट फुड प्रा.लि. मार्फत बहुराष्ट्रिय कम्पनीको उत्पादित सेन्टर फ्रुट नामक ब्राण्डको पनि नक्कल गरी चुइगम उत्पादन गर्दै आएको समाचार यस अघि पनि सार्वजनिक भइसकेको छ ।
यसरी मितलले पटक–पटक अर्काको ब्राण्ड चोरी गरी गुणस्तरहिन एवं नक्कली चुइगम/चकलेट उत्पादन गरी बालबालिकाको स्वास्थ्य संग खेलवाड गर्दै आएका छन ।
मितलले स्वीट मार्ट फुड प्रा.लि. मार्फत नक्कली र गुणस्तरहिन उत्पादन गरी रहेको प्रमाण सहित समाचार सार्वजनिक हुनुको साथै सम्बध निकायमा निज विरुद्ध उजुरी पर्दा पनि हाल सम्म कुनै किसिमको कारवाही भएको देखिंदैन । कालिका टाईम्स
प्रतिक्रिया