श्रेणी : अन्तर्राष्ट्रिय

एयर इण्डियाले फ्रान्सको एयरबस कम्पनीबाट दुई सय ५० वटा विमान खरिद गर्ने भएको छ । यो निर्णय भारतको विमान खरिदको इतिहासमा विश्वको सबैभन्दा ठूलो उड्डयन सम्झौता हो ।

टाटा सन्सका अध्यक्ष नटराजन चन्द्रशेखरनले आफूहरुले एयरबससँग धेरै राम्रो सम्बन्ध बनाएको र यो घोषणा गर्न पाउँदा खुसी रहेको बताए । सम्झौतामा ४० ए ३५० वाइडबडी अल्ट्रा लङरेन्ज विमान समावेश छन् भने बाँकी न्यारोबडी विमान हुनेछन् । भर्चुअल सम्मेलनमा नागरिक उड्डयन मन्त्री ज्योतिरादित्य सिन्धिया, वरिष्ठ उद्योगपति रतन टाटा र अन्य नेताहरूसमेतको उपस्थिति रहेको थियो ।

एयरबसका प्रमुख कार्यकारी गुइलाउम फौरीले एयरबसका लागि एयर इण्डियाको पुनरुत्थानको स्क्रिप्टमा मद्दत गर्नु ऐतिहासिक क्षण भएको बताए । एयर इन्डियाले भर्खरैका अर्डरहरूमार्फत आफ्नो आन्तरिक र अन्तरराष्ट्रिय नेटवर्कलाई बढावा दिन विमानहरूको रिमिक्स खोजिरहेको थियो ।

यस वर्षको जनवरी २७ मा आफ्नो पहिलो वार्षिकोत्सवको अवसरमा एयर इन्डियाले आगामी पाँच वर्षमा आफूलाई भारतीयपन भएको विश्वकै उत्कृष्ट मध्येको एक बन्ने बताएको छ ।