श्रेणी : खेलकुद

काठमाडौं । गत साता एकदिवसीय विश्वकप छनोटमा स्थान बनाएको नेपालले आईसीसी एकदिवसीय वरीयतामा एक स्थान सुधार गरेको छ । यसअघि १६ औं स्थानमा रहेको नेपालले एक स्थान सुधार गरेको हो ।

नेपालले ओमानलाई पछि पारेको छ । पछिल्लो एक वर्षमा खेलेका ४० एकदिवशीयमा नेपालले १२३८ अंक जोडेको छ भने ३१ रेटिङ प्वाइन्ट पाएको छ । ओमानसँग समान रेटिङ भए पनि नेपालले अंकका आधारमा उछिनेको हो ।

गएको एक महिनामा नेपालले १२ एकदिवसीय अन्तर्राष्ट्रिय खेल खेल्दा ११ जित निकालेको थियो । एकदिवसीय वरीयताको शीर्ष स्थानमा भारत यथावत छ । टेष्ट मान्यताप्राप्त १३ देशहरु सुरुवाती १३ वरीयतामा रहँदा नेपालभन्दा अगाडि रहेको एशोसिएट टोली नेदरल्याण्ड्समात्र हो ।