श्रेणी : BANNER

काठमाडौं । मलेशियाको क्वालालम्पुरमा नेपाल वायु सेवा निगमको जहाज अक्सिजन अभावमा रोकिएको विषयमा छानबिन गर्न समिति बनाइएको छ । यस विषयमा छानबिन गर्न निगमका कार्यकारी अध्यक्ष युवराज अधिकारीले समिति गठन गरेका हुन् ।

मलेसियाको क्वालालम्पुरबाट काठमाडौं फर्किन लागेको न्यारोबडी जहाजमा चालकदललाई आवश्यक पर्ने अक्सिजन नभएपछि उडान हुन सकेको छैन । उक्त विमानले उडान नभरेपछि १५२ जना यात्रु अलपत्र परेका छन् ।

जहाजको उडान ढिला भएपछि निगमले यात्रुसँग माफी मागेको छ । काठमाडौंमै एक हप्ता ग्राउन्डेड भएको सो जहाज मर्मतपछि सोमबार साँझ मलेसिया उडाएको थियो । यो जहाज क्लालालम्पुर–भैरहवा–काठमाडौं उडान भनेर मंगलबार बिहान ९ः३५ बजे काठमाडौं अवतरण गर्ने तालिका थियो ।

https://www.facebook.com/plugins/post.php?href=https%3A%2F%2Fwww.facebook.com%2FNepalAirlinesRA%2Fposts%2Fpfbid02ZszezeBKzySMHDyXNAWRR9WCj8fuLeT8JuuuSbpMHjBjuEB4UqdRDZEh2Dz922fYl&show_text=true&width=500