श्रेणी : प्रदेश
2.4kViews
1219
Shares
काठमाडौ,२० चैत । आजदेखि देशभरका शिक्षकहरूले काठमाडौंमा शैक्षिक सडक आन्दोलन सुरु गरेका छन्। माघ २० गतेदेखि आन्दोलनमा रहेको नेपाल शिक्षक महासङ्घले आजदेखि ‘काठमाडौँ जाऔँ’ अभियान अन्तर्गत अनिश्चितकालीन सडक आन्दोलन थाल्ने घोषणा गरेको हो।
आन्दोलनको बारेमा मंगलबार आयोजित पत्रकार सम्मेलनमा नेपाल शिक्षक महासङ्घका अध्यक्ष लक्ष्मीकिशोर सुवेदीले संसदमा छलफलमा रहेको विद्यालय शिक्षा विधेयक यथाशीघ्र जारी गर्न माग गर्दै आन्दोलन थालिएको जानकारी दिएका छन्।
आज दिउँसो विभिन्न स्थानबाट र्यालीसहित निस्केर माइतीघर मण्डलामा भेला हुने कार्यक्रम रहेको छ। अपराह्न ४ बजेसम्म प्रदर्शन माइतीघरबाट बानेश्वर पुग्नेछ। भोलिबाट हरेक दिन बिहान ११ बजेदेखि अपराह्न ४ बजेसम्म माइतीघर-बानेश्वर सडक खण्डमा प्रदर्शन गरिने सुवेदीले बताए।
शिक्षकका अनुसार, गुणस्तरीय विद्यालय शिक्षा र शिक्षक-विद्यार्थीमैत्री अग्रगामी विद्यालय शिक्षा ऐन जारी गराउन राज्यपक्षलाई दबाब दिनका लागि यो आन्दोलन गरिएको हो।
अध्यक्ष सुवेदीले भने, “आन्दोलनमा देशभरका सबै शिक्षक र कर्मचारी सहभागी हुनेछन्। काठमाडौँ आएका शिक्षक कर्मचारी विद्यालय शिक्षा ऐन जारी नभएसम्म काठमाडौँबाट फर्किने छैनौं।”
प्रतिक्रिया